Real Madrid təcrübəli baş məşqçisi Karlo Ançelotti ilə müqavilə müddətini artırıb.
Bu barədə klubun rəsmi saytı məlumat dərc edib. Braziliya yığmasına təyinatı gözlənilən mütəxəssis yeni müqaviləyə əsasən 2026-ci ilin iyuluna qədər "Kral klubu"nun uğurları üçün çalışacaq. Qeyd edək ki, onunla hazırki müqavilənin müddəti 2024-cü ilin yayına qədər idi. "Milan" və "Real Madrid"də ümumən 4 dəfə Çempionlar Liqası kubokunu qazanmış Karlo Ançelotti eyni zamanda “böyük beşlik”in hamısında ölkə çempionu olan yeganə mütəxəssdir. Hazırda "Real Madrid" La liqada 45 xalla liderdir.